0
0
ਆਕਲੈਂਡ ਸਮੇਤ ਨਿਊਜੀਲੈਂਡ ਭਰ ਦੇ ਕਿਰਾਏਦਾਰਾਂ ਨੂੰ ਥੋੜੀ ਰਾਹਤ ਮਿਲਦੀ ਵਿਖਾਈ ਦੇ ਰਹੀ ਹੈ ਕਿਉਂਕਿ ਕਿਰਾਏ ਦੇ ਰੇਟ ਘੱਟ ਗਏ ਗਨ। ਇਹ ਲੰਬੇ ਸਮੇਂ ਬਾਅਦ ਹੋਇਆ ਹੈ ਕਿ ਲਗਾਤਾਰ ਦੂਜੇ ਮਹੀਨੇ ਨਿਊਜੀਲੈਂਡ ਵਿੱਚ ਕਿਰਾਇਆਂ ਵਿੱਚ ਕਟੌਤੀ ਦੇਖਣ ਨੂੰ ਮਿਲੀ ਹੋਏ, ਇਨ੍ਹਾਂ ਹੀ ਨਹੀਂ ਹੁਣ ਕਿਰਾਏ ‘ਤੇ ਦਿੱਤੇ ਜਾਣ ਵਾਲੇ ਘਰਾਂ ਦੀ ਗਿਣਤੀ ਵਿੱਚ ਵੀ ਕਾਫੀ ਵਾਧਾ ਹੋਇਆ ਹੈ ਤੇ ਇਹ ਦੋਨੋਂ ਹੀ ਆਂਕੜੇ ਕਿਰਾਏਦਾਰਾਂ ਲਈ ਵਧੀਆ ਕਹੇ ਜਾ ਸਕਦੇ ਹਨ।ਬੀਤੇ ਸਾਲ ਜੂਨ ਦੇ ਮੁਕਾਬਲੇ ਇਸ ਸਾਲ ਜੂਨ ਵਿੱਚ ਕਿਰਾਏ ਦੇ ਘਰਾਂ ਦੀ ਸੂਚੀ ਵਿੱਚ 11% ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਵਲੰਗਿਟਨ, ਵੈਂਗਨੁਈ ਤੇ ਆਕਲੈਂਡ ਵਿੱਚ ਕ੍ਰਮਵਾਰ 51%, 21% ਤੇ 15% ਕਿਰਾਏ ਵਾਲੇ ਘਰਾਂ ਦੀ ਸੂਚੀ ਵਧੀ ਹੈ। ਸਾਊਥਲੈਂਡ, ਨਾਰਥਲੈਂਡ, ਕੈਂਟਰਬਰੀ, ਵਾਇਕਾਟੋ ਵਿੱਚ ਹਾਲ ਇਹੀ ਹੈ। ਇਸਦੇ ਨਾਲ ਹੀ ਜੂਨ ਵਿੱਚ ਔਸਤ ਕਿਰਾਇਆ $570 ਪ੍ਰਤੀ ਹਫਤਾ ਹੋ ਗਿਆ ਹੈ, ਜੋ ਕਿ ਮਈ ਵਿੱਚ $575 ਸੀ। ਹਾਲਾਂਕਿ ਇਹ 1% ਦੀ ਕਟੌਤੀ ਛੋਟੀ ਮੰਨੀ ਜਾ ਰਹੀ ਹੈ, ਪਰ ਦੱਸਦੀਏ ਕਿ ਕਿਰਾਇਆਂ ਵਿੱਚ ਇਹ ਕਟੌਤੀ ਕਾਫੀ ਲੰਬੇ ਸਮੇਂ ਬਾਅਦ ਦੇਖਣ ਨੂੰ ਮਿਲੀ ਹੈ
