ਆਕਲੈਂਡ ਦੇ ਸਿੱਖ ਸਪੋਰਟਸ ਕੰਮਪਲੈਕਸ ਚ ਹੋਵੇਗਾ ਦੂਜਾ ਨਿਊਜੀਲੈਂਡ ਕਬੱਡੀ ਵਰਲਡ ਕੱਪ

Read Time:1 Minute, 9 Second

ਆਕਲੈਂਡ : ਲੰਘੇ ਵਰ੍ਹੇ ਟਾਕਾਨਿਨੀ ਗੁਰੂਘਰ ਦੀ ਧਰਤੀ ਸਿੱਖ ਸਪੋਰਟਸ ਕੰਪਲੈਕਸ ਦੇ ਕਬੱਡੀ ਮੈਦਾਨ ਵਿਚ ਹੋਇਆ ਪਲੇਠਾ ਵਰਲਡ ਕਬੱਡੀ ਕੱਪ ਦਰਸ਼ਕਾਂ ਲਈ ਅਪਾਰ ਯਾਦਾਂ ਛੱਡ ਗਿਆ ਸੀ, ਵੱਡੀ ਗਿਣਤੀ ਖੇਡ ਪ੍ਰੇਮੀਆਂ ਦਾ ਪੁੱਜਣਾ ਇਸ ਗੱਲ ਨੂੰ ਪ੍ਰਮਾਣ ਕਰਦਾ ਸੀ ਕਿ ਨਿਊਜੀਲੈਂਡ ਵਾਲਿਆਂ ਨੂੰ ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ, ਸਿੱਖ ਸਪੋਰਟਸ ਕੰਪਲੈਕਸ, ਸੁਪਰੀਮ ਸਿੱਖ ਸੁਸਾਇਟੀ ਆਫ ਨਿਊਜੀਲੈਂਡ ਅਤੇ ਹੋਰ ਸਮੂਹ ਕਬੱਡੀ ਕਲੱਬਾਂ ਦਾ ਉਪਰਾਲਾ ਬੇਹੱਦ ਪਸੰਦ ਆਇਆ ਸੀ।ਹੁਣ ਮੁੜ ਤੋਂ ਨਿਊਜੀਲੈਂਡ ਵਾਸੀਆਂ ਦਾ ਇਹ ਇੰਤਜਾਰ ਖਤਮ ਹੋਣ ਜਾ ਰਿਹਾ ਹੈ ਤੇ ਜਲਦ ਹੀ ਨਿਊਜੀਲੈਂਡ ਦੀ ਧਰਤੀ ‘ਤੇ ਹੋਣ ਵਾਲੇ ਦੂਜੇ ਵਰਲਡ ਕਬੱਡੀ ਕੱਪ ਦੀਆਂ ਤਾਰੀਖਾਂ ਦਾ ਜਲਦ ਹੀ ਐਲਾਨ ਕੀਤਾ ਜਾਏਗਾ।ਇਸ ਵਾਰ ਦੇ ਕਬੱਡੀ ਕੱਪ ਲਈ ਵੀ ਭਾਰਤ, ਪਾਕਿਸਤਾਨ, ਨਿਊਜੀਲੈਂਡ, ਆਸਟ੍ਰੇਲੀਆ, ਕੈਨੇਡਾ ਤੇ ਅਮਰੀਕਾ ਦੀਆਂ ਟੀਮਾ ਹਿੱਸਾ ਲੈਣਗੀਆਂ।