0
0
ਹੈਮਿੰਲਟਨ : ਨਿਊਜ਼ੀਲੈਂਡ ‘ਚ ਹੁੰਦੀਆਂ ਲੁੱਟਾਂ ਖੋਹਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ। ਆਏ ਦਿਨ ਹੀ ਕੋਈ ਨਾ ਕੋਈ ਵਾਰਦਾਤ ਵਾਪਰ ਰਹੀ ਹੈ। ਬੀਤੇ ਦਿਨ ਹੈਮਿਲਟਨ ਦੇ ਇੱਕ ਸ਼ਰਾਬ ਸਟੋਰ ‘ਤੇ ਲੁਟੇਰਿਆਂ ਨੇ ਵੱਡੀ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਹੈ। ਇਸ ਲੁੱਟ ਦੌਰਾਨ ਸਟੋਰ ਮਾਲਕ ਦੇ ਸਿਰ ਤੇ ਹੱਥ ‘ਤੇ ਵੀ ਸੱਟ ਲੱਗ ਗਈ। ਡਿਟੈਕਟਿਵ ਸਾਰਜੈਂਟ ਐਂਡਰਿਊ ਹਾਕ ਨੇ ਕਿਹਾ ਕਿ ਚਾਰ ਨਕਾਬਪੋਸ਼ ਵਿਅਕਤੀ ਸ਼ਨੀਵਾਰ ਰਾਤ 9.25 ਵਜੇ ਦੇ ਕਰੀਬ ਡਿਨਸਡੇਲ ਦੇ ਵਟਸਹਾਟਾ ਆਰਡੀ ‘ਤੇ ਸਟੋਰ ਵਿੱਚ ਦਾਖਲ ਹੋਏ ਸਨ। ਮਾਲਕ ਦੇ ਸਿਰ ਅਤੇ ਹੱਥ ਵਿੱਚ ਸੱਟ ਲੱਗਣ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ ਜਿੱਥੇ ਜ਼ਖਮੀ ਦਾ ਇਲਾਜ ਚੱਲ ਰਿਹਾ ਸੀ।ਹਾਕ ਨੇ ਕਿਹਾ ਕਿ ਪੁਲਿਸ ਜ਼ਿੰਮੇਵਾਰ ਲੋਕਾਂ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਦਾ ਪਤਾ ਲਗਾਉਣ ਲਈ ਪੁੱਛਗਿੱਛ ਕਰ ਰਹੀ ਹੈ। “ਪੁਲਿਸ ਜਨਤਾ ਦੀ ਸਹਾਇਤਾ ਦੀ ਬੇਨਤੀ ਕਰ ਰਹੀ ਹੈ ਅਤੇ ਕਿਸੇ ਵੀ ਵਿਅਕਤੀ ਤੋਂ ਸੁਣਨਾ ਚਾਹੁੰਦੀ ਹੈ ਜਿਸ ਨੇ ਅਪਰਾਧ ਨੂੰ ਦੇਖਿਆ ਹੋਵੇ ਜਾਂ ਉਸ ਵਾਹਨ ਨੂੰ ਦੇਖਿਆ ਜਿਸ ਵਿੱਚ ਅਪਰਾਧੀ ਪਹੁੰਚੇ ਅਤੇ ਭੱਜ ਗਏ।” ਜੇਕਰ ਕਿਸੇ ਨੂੰ ਵੀ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ 105 ‘ਤੇ ਕਾਲ ਕਰਨ ਲਈ ਕਿਹਾ ਗਿਆ ਹੈ।
