1
0
ਵੈਲਿੰਗਟਨ : ਤਾਜਾ ਜਾਣਕਾਰੀ ਅਨੁਸਾਰ ”ਤੇ ਪਾਤੀ ਮਾਓਰੀ” ਨੇ ਆਪਣੀ ਪਟੀਸ਼ਨ ਸੌਂਪ ਦਿੱਤੀ ਹੈ ਜਿਸ ਵਿੱਚ ਦੇਸ਼ ਨੂੰ ਅਧਿਕਾਰਤ ਤੌਰ ‘ਤੇ ਅਓਤੇਰੋਆ ਨਾਮ ਦੇਣ ਦੀ ਮੰਗ ਕੀਤੀ ਗਈ ਹੈ। ਇਸ ਬਦਲਾਅ ਦਾ ਸਮਰਥਨ ਕਰਦੇ ਹੋਏ 70,000 ਹਸਤਾਖਰ ਇਕੱਠੇ ਕੀਤੇ ਗਏ ਹਨ। ਇਹ ਨਾਮ ਯਕੀਨਨ ਦੇਸ਼ ਦੇ ਪਾਸਪੋਰਟਾਂ, ਪੈਸਿਆਂ ਅਤੇ ਸਾਡੇ ਰਾਸ਼ਟਰੀ ਗੀਤ ‘ਚ ਹੈ, ਪਰ ਐਓਟੈਰੋਆ ਅਜੇ ਅਧਿਕਾਰਤ ਨਾਮ ਨਹੀਂ ਹੈ। ਇਹ ਪਟੀਸ਼ਨ ਅੱਜ ਬਾਅਦ ਦੁਪਹਿਰ ਸੰਸਦ ‘ਚ ਸੌਂਪੀ ਗਈ। ਇਹ ਪਟੀਸ਼ਨ ਦੇਸ਼ ਦੇ ਅਧਿਕਾਰਤ ਨਾਮ ਨੂੰ ਬਦਲ ਕੇ ਆਓਟੇਰੋਆ ਕਰਨ ਦੀ ਮੰਗ ਕਰਦੀ ਹੈ, ਅਤੇ 2026 ਤੱਕ ਸਾਰੇ ਕਸਬਿਆਂ, ਸ਼ਹਿਰਾਂ ਅਤੇ ਸਥਾਨਾਂ ਲਈ ਟੇ ਰੀਓ ਮਾਓਰੀ ਨਾਮਾਂ ਨੂੰ ਬਹਾਲ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰਾਉਣ ਦੀ ਮੰਗ ਕਰਦੀ ਹੈ। “ਭਾਵੇਂ ਤੁਸੀਂ ਹੱਕ ਵਿੱਚ ਹੋ ਜਾਂ ਵਿਰੋਧ ਵਿੱਚ, ਗੱਲ ਇਹ ਹੈ ਕਿ ਹਰ ਕੋਈ ਜਾਣਦਾ ਹੈ ਕਿ ਆਓਟੇਰੋਆ ਇੱਕ ਜਾਇਜ਼ ਨਾਮ ਹੈ ਜੋ ਇਸ ਦੇਸ਼ ਨੂੰ ਕੁਪੇ ਦੁਆਰਾ ਦਿੱਤਾ ਗਿਆ ਹੈ, ਨਾ ਕਿ ਗਵਰਨਰ ਗ੍ਰੇ ਦੁਆਰਾ ਜਾਂ ਕਿਸੇ ਲਿਖਤੀ ਕਿਤਾਬ ਦੁਆਰਾ, ਇਹ ਉਹਨਾਂ ਚੀਜ਼ਾਂ ਵਿੱਚੋਂ ਕਿਸੇ ਵੀ ਚੀਜ਼ ਤੋਂ ਪਹਿਲਾਂ ਹੈ,” ਤੇ ਪਾਤੀ ਮਾਓਰੀ ਕੋ.ਪਾਰਟੀ ਦੇ ਸੀਨੀਅਰ ਨੇਤਾ ਰਾਵੀਰੀ ਵੈਤੀਤੀ ਨੇ ਕਿਹਾ।
